Ye bhi to pyar hai…
Ek nayi subah, ek nayi tazgi, ek naya josh. Aur maine bister se niche apna kadam rakha fir apni wife ki or dekha. Vo so rahi thi aur pyari lag rhi hai, maine maathe ko kiss kiya aur nahane ke liye chala gaya.
Jab bathroom me ghusa tabhi achanak yad ata hai ki, mere phone me charge nahi hai phone ko charge karna hai, maine nahane k baad kapde pahnne ke liye aalmaari se bahar nikala bhi nahi hai.
Socha k pahle charge pe laga du aur kpde nikal lu, fir aram se naha ke niklunga. Lekin ek bar bathroom me gaye to nahake hi niklna thik hai ye soch ke maine idea skip kiya.
Mai nahake bahar aaya, aur mobile dundhne laga, mujhe mobile vaha mila nahin, jaha maine rakha tha. Mujhe laga maine galti se balkani ya kahi aur rakh diya hai.
Maine dekha ki meri wife ki pasand ka kapde bister pe rakha hua tha. Aur meri wife kitchen me kuch kam kar rhi thi.
Utne me kitchen se mere paas aayi aur boli,
Naha liye?
maine Kaha, Haaji naha liya.
Aur fir maine kaha, “Lekin aap kyu uth gayi, aur so jaati.“
Usne in bato ko nazarandaz kiya aur aur kitchen me jate hue boli, Bed pe maine apke kapde nikal diye hai aap usi ko pahnna.
Maine pyar se kaha, Thankyou sweetheart.
Maine balo me hair oil lagaya, uske nikale hue kapde pahna aur fir yad aya ki mobile me to charge hi nahi hai aur fir se idhar udhar nazar marte hue kaha,
Aapne mera phone dekha hai kya? mil nahin raha hai.
Kitchen se aawaj aai, Maine charge pe laga diya hai ab tak charge bhi ho gaya hoga, aap baithiye mai nasta laga deti hu.
Roj ki tarah aaj bhi mai khus tha, aur nasta k liye baith gya, nasta karne k bad apne wife ko hug kiya maathe par pyar se kiss kiya aur office ke liye nikal gaya.
Din bita ek nayi shaam hui, fir suhani raat hui, mai office se ghar aya. Meri wife mera intezar kar rahi thi. Mai ghar pahucha.
Maine Door bell bajai, Darwaja khula aur mai ghar me ander gaya. Vo kitchen gai aur ek glass pani laai aur boli,
Lo paani piyo, kaisa raha aaj ka din? Thakan lag rahi hogi.
Maine uske hath se pani ka glass liya aur table par rakha, aur hug kiya pyar se maathe par ek kiss bhi kya.
Vo boli,
Kabhi bhoolte nahin, Hug karna mathe pe kiss karna.
Maine is bar piche se hug kiya kaha,
Aap bhi to nahi bhoolte mere uthne k baad mere liye nasta banana, mere kapde nikalna aur phone charge pe lagana taki important call miss na ho jae.
Vo muskuraai aur boli, thik hai thik hai jyada tarif mat kariye abhi, jaiye fresh hoke aaiye bhukh lagi hai.
Maine kahaa,
Aaj aap baitho, khana mai lagata hu aur apko apne hatho se khilata hu.
maine jhatpat fresh hoke khana lagaya aur apne hatho se khana khilane laga. Hamne khana dinner khatam kiya, Hum bistar hue aur fir roj ko tarah chain ki nind soye.
Mai hmesha ye sochta hu ki ye jo uper maine likha hai mere us sapne me jo bhi ho raha hai vo bhi to pyar hai.
Pyar me log kya dhundhte hai? Sukoon, ek suhani rat, ek pyar bhara din.
Ye subh uthna apne hatho se khana khilana ek dusre ka dhyan rakhna, Ye ek dusre ke liye sacrifice ya compromise bilkul nahin hai, balki ek dusre ke liye samarpan hai.
Is samarpan me pyar hai, sukoon hai, moments hai.
Log aksar is bat pe ladne lagte hai ki maine tumhare liye ye kiya maine vo kiya. Mai unse ye puchna chahta hu ki kya tumhe un sabka badla chahiye.
Kya tumne kisi ko apne hatho se khana khilaya to agle din ye chahte ho ki vo bhi tumhe us khana khilane ke badle me tumhare us ahsan ko chukane k liye khana khilaye.
ya tum ye chahte ho ki vo mujhe aisa pyar kare jisme koi matlab na chhipa ho, aur aisa pyar kare ki tumhara dhyan rakhte hue tumhe sath lekar chale.
Ek dusre ke liye samarpan hoke pyar karne se zindagi aasaan ho jati hai.
Uper jo bhi maine likha hai jisme ek patni apne pati ke liye khana bana rahi hai aur unki chijo ka khyal rakh rahi hai.
Isme aisa bilkul nahi hai ki uske baad pati ko koi fiqra nahi hai bas aram se kha k office ja raha hai aur aa raha hai.
uske uper bhi itni jimmedariya hai, kam ka pressure hai. Dinbhar ka tension hai, thakan hai.
Wife sirf kitchen me khana banaye aisa nahi hai, iske oposite bhi ho sakta hai, agar wife office jati ho to husbend kitchen ki jimmedariya utha sakta hai, aur yaqin mano isme na male ego hurt hoga aur na hi koi sacrifice hoga.
isme keval samarpan hoga ek husband ka apni wife ke liye.
Ajkl to aisa hone laga hai ki husband wife dono ka office hota hai, dono subh ghar se niklte hai aur shaam ko ghar aate hai, aur yaqin maniye unki life utne hi pyar se chal raha hai jitne ki maine uper office jate hue husb aur kitchen me kam karti hui wife k bare me likha hai.
Qki dono ek sath kitchen ko bhi enjoy kar rahe hai, aur life ko bhi.
Dono ka ek dusare ke liye samarpan, ek dusre ko samjhna aur ek dusre ke sauk aur jarurato ka dhyan rakhna ek sukoon bhari zindgi ke liye bahut hi important hai.